Një tjetër trajner spanjoll zbarkon në Premier League. Andoni Iraola, ish-kapiteni i Athletic Bilbao, është emëruar trajneri i ri i Bournemouth.
40-vjeçari bask firmosi për dy vite me klubin e elitës angleze. Duke iu bashkuar në ishull emrave të tjerë iberikë si Pep Guardiola, Mikel Arteta apo Unai Emery.
Iraola luajti 12 sezone tek Athletic Bilbao dhe më pas mbylli karrierën te New York në MLS. Fanellën e kombëtares spanjolle e veshi në 7 raste.
Lexo edhe:
- VIDEO/ I shënoi Moldavisë në “Air Albania”, lojtari “kuqezi” kërkohet nga Bologna
- Shënoi 12 gola në 29 ndeshje, Shpendi tërheq vëmendjen e Juventus
- VIDEO/ Realizimi spektakolar i Asanit zgjidhet goli i raundit të tretë të kualifikueseve EURO 2024
- Zyrtare/ Kristi Qose gjen skuadër të re, por qëndron në Sllovaki
Më pas karriera si trajner, që nisi në Qipro tek AEK Larnaca, skuadër me të cilën fitoi Superkupën. Pastaj rikthimi në Spanjë te Mirandes, ndërkohë që në tri sezonet e fundit drejtoi Rayo Vallecanon.
Skuadër me të cilën prodhoi një futboll të bukur, aty ku titullar fiks është edhe Ivan Balliu. Iraola riktheu Rayon në La Liga dhe e dërgoi deri në gjysmëfinalet e Kupës së Spanjës.
Tani transferimi në Premier League duke realizuar një dëshirë të madhe dhe shansi për të treguar aftësitë e tij mes më të mirëve.
“Iraola kishte oferta të shumta, por ne jemi të lumtur ta prezantojmë si trajnerin tonë të ri. Stili i tij i futbollit ishte faktor i rëndësishëm në marrjen e këtij vendimi”, lexohet në komunikatën zyrtare të Bournemouth.
