Neymar i ka dhënë fund spekulimeve rreth së ardhmes së tij. Sulmuesi brazilian ka edhe 3 vite kontratë me PSG-në, teksa emri i tij është lidhur me një transferim te Chelsea ose Manchester City.
30-vjeçari u ka dhënë fund dilemave, duke deklaruar se dëshira e tij është të qëndrojë në kryeqytetin francez dhe të provojë fitimin e Champions League, që është edhe ëndrra e madhe e PSG-së.
“Unë dua të qëndroj gjithmonë në këtë klub. Deri tani drejtuesit nuk më kanë thënë gjë, kështu që nuk e di se cilat janë planet e tyre për mua. Zërat e merkatos nuk më shpërqendrojnë.
Unë jam i fokusuar të ndihmoj shokët e skuadrës për të fituar trofe”, deklaroi Neymar pas miqësores së sotme ndaj Urawa Reds.
Kampionët e Francës fituan 3-0 takimin miqësor ndaj skuadrës japoneze. Golat për ekipin e Galtier u shënuan nga Sarabia, Mbappe dhe Kalimuendo. Neymar u fut në fushë në minutën e 59’.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?