Pa kaluar ende zhgënjimi i humbjes në ‘San Siro”, Barcelona ka filluar të mendojë për ndeshjen e kthimit ndaj Interit në “Camp Nou”, një sfidë vendimtare për ecurinë e katalanëve në Ligën e Kampionëve, pasi çdo rezultat tjetër përveç fitores, mund t’i lërë jashtë që në fazën e grupeve.
Këtë e dinë mirë katalanët, që kanë nisur të motivojnë tifozët për të mbushur shkallët e stadiumit të mërkurën në mbrëmje, me mesazhin “Të mërkurën ju do të jeni lojtari i 12”.
Thirrja e klubit është e ngjashme me atë të 2010-ës, kur Interi fitoi gjysmëfinalen e parë ndaj Barcelonës me rezultatin 3-1 dhe katalanët bënë apel për “remuntada” në sfidën e kthimit, por atëherë misioni dështoi.
Interi shkon në Barcelonë për dy rezultate, pasi nëse ia del të marrë një barazim, atëherë siguron kualifikimin me një fitore në dy ndeshjet e ardhshme ndaj Slavias së Pragës dhe Bayernit, ndërsa me një fitore, merr direkt biletën që në “Camp Nou”.
Nga ana tjetër, Barcelona është e dënuar të fitojë dhe mundësisht me më shumë se një gol diferencë, për të çuar në favorin e saj bilancin në përballjet direkte mes dy skuadrave,
