Tirana thyhet në “Air Albania”, ndërkohë që përfundon në barazim 1-1 Vllaznia-Partizani. Bardheblutë u mposhtën 3-4 nga Skënderbeu. Fitore fantastike e skuadrës korçare, që shënoi me nigerianin Ahanonu (2x), Shaqen dhe Liçon.
Golat e Abazajt (p), Përgjonit dhe Patrick nuk sollën asnjë pikë për skuadrën e Ahmatajt, që sot regjistroi humbjen e shtatë sezonale në Superiore. Ndërkohë, Tirana e mbylli sfidën me 10 lojtarë pas daljes me të kuq të kapitenit Hoxhallari.
Tirana mbetet e katërta me 30 pikë. Katër pikë më shumë se Laçi dhe pesë mbi Skënderbeun (-1 ndeshje).
Lexoni edhe:
- VIDEO/ Villarreal shkakton tërmet “5 ballësh”, Barcelona e pëson keq në shtëpi
- VIDEO/ Ismajli ndër më të vlerësuarit, Empoli ndal Juven, “asist” Interit
- VIDEO/ Real Madrid fiton një tjetër ndeshje me përmbysje, “Galaktikët” në krye të LaLiga-s
- “Harroje largimin”/ Benzema çështje shtetërore, merr urdhrin e prerë
“Paqe” në “Loro Boriçi”. Të dy golat u realizuan në pjesën e parë të ndeshjes. Kampionët kaluan në avantazh falë golit me kokë të senegalezit Gueye (23’), por shkodranët barazuan falë një penallti të ekzekutuar saktë nga Balaj (42’).
Tri pikë mbetet distanca mes këtyre dy skuadrave, respektivisht të renditura në vendin e dytë dhe të tretë.
