Spanja ia doli të fitonte trofeun e parë pas Europianit të vitit 2012, teksa triumfoi pas goditjeve të penalltive në finalen e Nations League ndaj Kroacisë. “Furia e Kuqe”, tashmë nën drejtimin e trajnerit De La Fuente kërkon të nisë një cikël të ri fitues pas atij brezit të artë që i dhuroi kombëtares dy Europianë dhe një Botëror. Lidhur me brezin e ri të kombëtares, trajneri De La Fuente beson se lojtarët aktualë nuk do ta zhgënjejnë atë dhe Spanjën ndërsa shtoi se i njeh shumë mirë futbollistët e tij.
“Këta lojtarë janë mësuar me suksesin, pres që të kemi vazhdimësi dhe dua që të fitojmë më shumë. Këtë brez lojtarësh e njoh shumë mirë dhe e di se nuk do të më zhgënjejnë. Këtë javë ishim shumë të relaksuar dhe e shijuam shumë stërvitjen. I thashë lojtarëve që të qëndronin të qetë dhe kanë bërë një punë të shkëlqyer.
Lexo edhe:
- VIDEO/ Spanja fiton në ruletën e penalltive, Kroacia humb një tjetër finale
- “Jam n’Tironë”, kryeqytetasit prezantojnë rikthimin e madh
- Pas regjistrimit te Barça, Gavi thumbon Realin: Kemi të rinj të fortë, le të blejnë kë të duan në Madrid
- Kombëtarja stërvitet në Ishujt Faroe, Sylvinho e ka grupin të plotë
Meritonim ta fitonim lojën brenda 90-minutëshit dhe jo në kohën shtesë apo nga penalltitë. Megjithatë, kur triumfonin nga goditjet e 11-metërshave edhe suksesi ka një shije ndryshe, më të veçantë. Do të isha i lumtur edhe nëse nuk do të fitonim, por sigurisht që suksesi i bën të gjithë më të qetë e të lumtur”, u shpreh De La Fuente.