Arsenal ka marrë fitoren e dytë radhazi teksa pas triumfit të fundit me Southampton ka mposhtur në shtëpi me rezultatin 1-0, West Ham. Topçinjtë iu falën një goli të talentit brazilian Gabriel Martinelli, i cili realizoi tre minuta pasi kishte nisur pjesa e dytë. 20-vjeçari u shfaq përballë portierit Fabianski dhe me një goditje tokazi shkundi rrjetën për të kaluar të tijtë në avantazh.
Me kalimin e minutave, për vendasit u bë edhe më e thjeshtë duke qenë se miqtë mbetën me 10 vetë në minutën e 67 me Coufal që mori kartonin e dytë të verdhë, por shkaktoi edhe penallti. Megjithatë, në këtë rast Arsenali nuk përfitoi teksa Lacazette u hipnotizua nga Fabianski. Gjithsesi, të besuarit e trajnerit Arteta nuk u ndalën derisa gjetën edhe golin e qetësisë, i cili erdhi në minutën e 87 nga ana e Smith Rowe.
Talenti e mori topin metra larg portës kundërshtare, megjithatë avancoi mirë dhe iu drejtua qendrës aty kun ë hyrje të zonës lëshoi një goditje preçize dhe të pakapshme për Fabianskin. Pas këtij episodi, West Ham u dorëzua ndërsa Arsenal pas këtij suksesi ngjitet në vendin e katërt të renditjes me 29 pikë, duke parakaluar Ëest Ham që është një vend më poshtë në kuotën e 28 pikëve.
Sa i takon ndeshjeve të tjera, Southampton i Brojës barazoi në transfertë me rezultatin 2-2 ndaj Crystal Palace ndërsa sulmuesi shqiptar shënoi golin e dytë për “Shënjtorët”. Sakaq, Wolverhampton mposhti me rezultatin minimal 0-1 në transfertë Brighton, falë një goli të Saiss në minutën e parë shtesë të pjesës së parë.
Rezultatet:
Brighton-Wolverhampton 0-1
Arsenal-West Ham 2-0
Crystal Palace-Southampton 2-2
