Kamerun-Serbi janë ndarë në “paqe” me barazimin 3-3, duke marrë secila prej dy skuadrave pikën e parë në Kupën e Botës Katar 2022.
Kjo ndeshje ishte shumë e luftuar nga të dyja anët, me serbët që dominuan minutat e para, megjithatë golin e parë e gjetën kamerunasit që realizuan me Castelletto në minutën e 29’.
Më pas Serbia mori situatën në kontroll dhe barazoi në minutën e 45+1’ me Pavlovic, ndërsa në minutën e 45+3’ Milinkovic-Savic përmbysi rezultatin.
Në pjesën e dytë u realizuan edhe tre gola të tjerë, Mitrovic e çoi në 1-3 rezultatin në minutën e 53’.
Kameruni reagoi mjaft mirë dhe ngushtoi diferencën me Aboubakar që gjeti rrugën drejt rrjetës në minutën e 63’. Ndërsa në minutën e 66’ Choupo-Moting do të realizonte golin e barazimit.
Pas këtij takimi Kameruni renditet në vend të tretë të Grupit G me një pikë, ndërsa Serbia në vend të katërt po me një pikë.
Kamerun-Serbi (3-3)
Kupa e Botës Katar 2022
66′-Goool! Barazon Kameruni, Choupo-Moting e dërgon topin në rrjetë.
64′-Goool! Aboubakar e dërgon topin në rrjetë, por pas një dyshimi për pozicion jashtë loje goli konfiromohet.
53′-Serbia thellon avantazhin, Mitrovic shënon golin e tretë për serbët.
45+3′-Gool! Milinkovic-Savic përmbys gjithçka, e dërgon topin në rrjetë me goditje me kokë.
45+1′-Serbia gjen barazimin, Pavlovic godet topin me kokë dhe e dërgon në rrjetë.
29′-Goool!Kameruni merr avantazhin, Castelletto gjen rrugë drejt rrjetës. Pas një rrëmuje në zonë, teksa nga ekipi i tij po ekzekutohej një goditje nga këndi dhe i lënë në harresë nga mbrojtja serbe Castelletto arrin të shënojë.
Ndërpritet për rreth një minutë ndeshja Kamerun-Serbi, shkak është bërë një problem në sistemin e dëgjimit të arbitrit kryesor të ndeshjes Mohammed Abdulla Hassan M.
17′-Serbia vazhdon sulmet me Mitrovic në kryes, sulmuesi tenton të gjejë rrjetën, por krijon vetëm iluzionin e golit.
11′-Serbia hidhet në sulm, Mitrovic tenton të gjejë golin, por e dërgon topin në shtyllë.
Formacionet zyrtare:
