Përfundon në barazim 1-1 miqësorja Al Nassr-Inter. Të dy golat e ndeshës që u luajt në Japoni, u shënuan në pjesën e parë.
Abdulrahman Ghareeb kaloi në avantazh skuadrën nga Arabia Saudite, teksa Davide Frattesi realizoi golin e barazimit në fundin e fraksionit të parë.
Simone Inzaghi aktivizoi edhe Kristjan Asllanin në pjesën e dytë. Mesfushori 21-vjeçar i kombëtares shqiptare, zhvilloi një performancë pozitive.
Asllani rrezikoi në tri raste portën kundërshtare me goditjet e tij. Teksa nuk munguan pasimet e bukura dhe të sakta drejt shokëve të skuadrës.
Lexo edhe:
- Futbollistët më të paguar/ Vitet ikin, CR7 nuk bie nga “froni”
- VIDEO/ Dygolësh, asist dhe rekord i veçantë! Messi shkëlqen me Interin
- Blerja më e shtrenjtë në histori, Atalanta bën goditjen e madhe në sulm
- Zyrtare/ Pa skuadër prej 2.5 vitesh, nigeriani firmos me Kukësin
Miqësore
AL-NASSR-INTER 1-1 (Abdulrahman Ghareeb 23′ / Frattesi 44′)
Kronika e ndeshjes:
76′ Provon përsëri Asllani. E djatha potente nuk ka saktësinë duhur.
57′ Sërish Asllani. Goditje e bukur e 21-vjeçarit, topi ngjitur me shtyllën pingule.
56′ Inkursion i bukur i Kristjan Asllanit. Mesfushori shqiptar driblon dy kundërshtarë dhe gjuan fort. Por është qendrore dhe pritet nga portieri kundërshtar.
44′ Goooool! Kroson Dumfries, Davide Frattesi shënon një gol të bukur me kokë. Barazohet rezultati.
30′ Tri raste të njëpasnjëshme për zikaltrit. Correa, Lautaro dhe Dumfries nuk ia dalin të dërgojnë topin në rrjetë.
27′ Interi afër barazimit. Diagonalja e kapitenit Lautaro devijohet në këndore nga portieri saudit.
23′ Goooool! Skuadra saudite në avantazh falë golit të Abdulrahman Ghareeb.
22′ Cristiano Ronaldo godet në ecje e sipër. Topi përfundon jashtë.
20′ Al-Nassr pranë golit. Goditje me kokë, grushton Stankovic, portieri i ri i Interit.