Shqipëria U19 pësoi disfatën e dytë radhazi në eliminatoret për Europianin e kësaj grupmoshe që zhvillohet në vitin 2024. Pas humbjes me Irlandën, kuqezinjtë e drejtuar nga trajneri Ervin Bulku zhgënjyen edhe ndaj Belgjikës U19 që triumfoi në Elbasan Arena me shifrat 0-2.
Dy gola në pjesën e parë, madje në harkun e katër minutave (27 dhe 31) i mjaftuan miqve për të marrë tre pikë të rëndësishme në Grupin 13. Aktualisht, Shqipëria mban vendin e fundit në këtë grup dhe ndeshjen e radhës e luan po në Elbasan Arena (aty ku zhvillohen ndeshjet e këtij grupi), ndaj Sllovenisë.
Lexo edhe:
- VIDEO/ Rishkruhet historia, Shqipëria në Europian!
- Ramadani, me heroin në fanellë: Arritje e madhe, kurrë nuk jam ndier kështu
- “Gjimshiti shembull”, Sylvinho: E kam për nder që jam trajner i Shqipërisë, ka pasion në punë tonë!
- Foto/ Armando Broja i bashkohet festës kuqezi: Jemi në Europian!
Aty ku do të kërkohet me ngulm fitorja. Tre pikë që mund ta rendisin Shqipërinë në vendin e tretë të grupit dhe të shpresojnë për t’u kualifikuar në Elite Round si një nga të tretat më të mira.
Belgjikë U19-Shqipëri U19 2-0
Kronika e ndeshjes:
31′ Goool! Belgjika U19 gjen sërish rrugën e rrjetës me të njëjtin autor si në golin e parë, Fernandez-Pardo ndëshkon kuqezinjtë e Bulkut
27′ Goool! Belgjika U19 kalon në avantazh, Muzambo me një inkursion nga e majta fton në aksion Fernandez-Pardo që nuk gabon nga një pozicion mjaft i favorshëm