Vllaznia është skuadra e momentit në Superiore. Shkodranët numërojnë pesë fitore radhazi në kampionat e tani e shohin veten në vendin e tretë me një diferencë prej vetëm 3 pikësh me Partizanin e vendit të dytë. Trajneri Qatip Osmani ka rregulluar diçka në skuadër, teksa në 10 ndeshjet që ai ka drejtuar ka marrë 6 fitore, 2 barazim e ka pësuar 2 humbje me dy ekipet që ndodhen më sipër në klasifikim, Egnatia dhe Partizani.
Lexoni edhe:
- VIDEO/ Bayern Munich humbet kontaktet me kreun, Werder Bremen “nderon” Leverkusen
- “Asgjë nuk është e pamundur”, Allegri shijon 300 fitore në Serie A: Kështu edhe ndaj Interit!
- Superkupa e Italisë/ Interi dhe Inzaghi në kërkim të rekordeve
- VIDEO/ Real Madrid nuk dorëzohet kurrë, madrilenët përmbysin ndeshjen në minutën e 99
Në katër ndeshjet e fundit, kuqeblutë nuk kanë pësuar asnjë gol dhe në Shkodër besojnë se kanë shanse reale për të arritur titullin kampion. Skuadra ka bërë disa ndryshime në organikë, ndërkohë që deri në fund të merkatos nuk përjashtohet mundësia që të ketë dhe ndonjë lojtar tjetër që do u bashkohet shkodranëve.
Vllaznisë i mungon titulli kampion nga viti 2001, ndërkohë që së fundmi fituan Kupën e Shqipërisë në edicionin 2021-2022 dhe Superkupën në edicionin pasues. Ndeshja e radhës për shkodranët do të jetë në mesjavë ndaj Flamurtarit në Kupën e Shqipërisë në “Loro Boriçi” dhe më pas do të presë po në shtëpi Partizanin.
