Zbulohet kalendari i ndeshjeve të Ballkanit në Conference League, kompeticion ku skuadra kampione e Kosovës merr pjesë për të dytin vit radhazi. Më një short ndoshta paska bujar dhe me përvojën tashmë të akumuluar në sfidat europiane, skuadra e Ilir Dajës, ndonëse në letër me shanset me të vogla, do të tentojë befasinë në Grupin C.
Faza e grupeve të Conference League për Ballkanin nis më 21 shtator me sfidën ndaj Viktoria Plzen në transfertë. Synimi mbetet nisja me këmbën e parë, pra shmangia e disfatës, por nga ky Ballkan mund të presësh gjithçka.
Lexoni edhe:
- Lukaku entuziazmon tifozët verdhekuq: Me Mourinhon mund të bëj gjëra të bukura
- Dëshira nuk mjafton, Partizani eliminohet nga Astana, kalimi në grupet e Conference League mbetet ëndërr
- VIDEO/ Ballkani në histori, për të dytin vit radhazi në grupet e Conference League
Ndeshja e dytë e grupit do të luhet në “Fadil Vokrri”, kundër Dinamos së Zagrebit, kampiones në fuqi të Kroacisë, më 5 tetor, ndërsa më 26 tetor Ballkani do të udhëtojë drejt Astanës, për t’i treguar kundërshtares kazake që nuk është Partizani.
Ndeshjet e dyta nisin më 9 nëntor, sërish me Astanan, por këtë herë në “Fadil Vokrri”. Më 30 nëntor kampionët e Kosovës presin Viktoria Plzen, ndërsa më 14 dhjetor do të luhet ndeshja e fundit e fazës së grupeve, kundër Dinamos së Zagrebit, në transfertë.