Ashtu siç pati paralajmëruar SuperSport një ditë më parë, Shqiprim Taipi është larguar nga Kukësi. Mesfushori dhe klubi verilindor kanë vendosur të mos rinovojnë më bashkëpunimin, teksa ka qenë vetë Kukësi që ka njoftuar ‘divorcin’ në rrjetet sociale.
Në një komunikatë zyrtare, verilindorët falënderojnë mesfushorin për kontributin e dhënë, publikojnë edhe shifrat e tij me fanellën e Kukësit.
“FK Kukesi njofton përfundimin e kontratës me lojtarin Shqiprim Taipi. Shqiprimi kontribuoi ne 70 ndeshje me fanellën e Kukësit ku shënoi 4 gola edhe asistoj ne 3! Klubi e falendëron për kontributin e tij ne ekip edhe i uron shume suksese ne te ardhmen! Faleminderit, Shqiprim!”, shkroi Kukësi në rrjetet sociale.
Lexo edhe:
- E konsideroi idhull, Pep Guardiola merr një urim special nga aktorja hollivudiane
- VIDEO/ Tjetër zhgënjim për futbollit italian, kombëtarja U-20 humb finalen e Botërorit
- I dhuroi një trofe Fenerbahces pas shtatë vitesh, e duan në stolin e Brazilit
- Aguero tregon bisedën me Messin: Më tha se do të çojë Inter Miamin…
Pas Shqiprim Taipit, pritet që nga verilindorët të largohet edhe vëllai i madh i tij, Gjelbrim Taipi, i cili ka mbajtur shiritin e kapitenit te Kukësi dhe ka vendosur rekord, duke luajtur të gjithë ndeshjet sezonin e kaluar.
Ndërkohë, pezull është edhe e ardhmja e emrave si Ndreca, Basha e Bytyçi, të cilëve u ka përfunduar kontrata me klubin verilindor.