Marcelo u transferua verën e kaluar tek Olympiacos, por disa ditë më parë ndërpreu kontratën me klubin grek. Ish-mbrojtësi i majtë i Real Madrid, ka zgjedhur të rikthehet pas 16 vitesh te Fluminense.
34-vjeçari, i cili fitoi gjithçka në “Santiago Bernabeu”, është prezantuar si lojtari më i ri i klubit brazilian. Marcelo ka firmosur deri në dhjetorin e vitit 2024 me Fluminensen, me opsionin e rinovimit me një tjetër vit.
Anësori i majtë debutoi me skuadrën braziliane në vitin 2005. Dy vite më vonë u transferua te Real Madrid për 6.5 milionë euro, klub ku shkroi historinë dhe kaloi vitet më të bukura të karrierës.
