Një tjetër shqiptar nën urdhrat e trajnerit Jose Mourinho te Roma. Bëhet fjalë për 18-vjeçarin Kevin Zefi i cili në këtë sesion të merkatos është transferuar me të drejta të plota në kryeqytet te verdhekuqtë.
Sulmuesi, ishte në pronësinë e Inter aty ku shkëlqeu në sektorin e të rinjve zikaltër duke u shndërruar në një prej golashënuesve kryesorë të Inter U18. Te Roma, Zefi do të ketë mundësinë për t’u stërvitur me skuadrën e parë dhe në sytë e Mourinhos, në pritje të shansit të artë për të debutuar në elitën italiane, Serie A.
Këtë sezon, Roma ka pasur probleme në aspektin ofensiv teksa Paulo Dybala dhe Andrea Belotti nuk i kanë shpëtuar shqetësimeve fizike duke lënë të vetëm Lukakun.
Lexoni edhe:
- “Kurajë, Sven! Do e fitosh edhe këtë ndeshje”, Mancini: Po lufton si luan
- Barcelona pa sulmuesin brazilian në finalen e Superkupës
- Statistika e veçantë/ Vetëm Virgil van Dijk në nivelin e mbrojtësit kuqezi
- Puna e Mourinhos nuk po bind, dueli me Feyenoordin vendos të ardhmen e portugezit në Romë
Kështu, në rast se ia del të bindë në stërvitje, atëherë Zefi mund të ketë shansin për një rol prej protagonisti në pjesën e dytë të sezonit te Roma. Në karrierën e tij, Zefi që ka lindur në Dublin, numëron edhe 11 ndeshje e një gol me Irlandën U18.
