Verona ka marrë fitoren e dytë radhazi në kampionat, duke shkuar në kuotën e 22 pikëve dhe ‘ndezur’ shpresat për mbijetesë, kur kanë mbetur edhe 11 javë për t’u luajtur.
Skuadra e drejtuar nga Fabio Pecchia triumfoi me rezultatin minimal 1-0 në derbin ndaj Chievos, në stadiumin e qytetit të Veronës, ‘Bentegodi’.
Vendimtar në këtë takim ishte goli i shënuar nga Caracciolo, në minutën e 52-të, ndërsa Chievo konfirmoi edhe njëherë se po kalon një moment mjaft delikat dhe tani rrezikon seriozisht qëndrimin.
