Pas shortit të paraeliminatoreve të Champions League, u hodh edhe shorti për të njëjtin raund të Europa Leagues. Me mjaft interes pritej të mësohej kundërshtari me të cilin do të përballet Prishtina në këtë raund, dhe që është Europa FC e Gjibraltarit.
Kështu kryeqytetasit mund të konsiderohen me fat, pasi do të kenë përballë një kundërshtar tejet modest, që në letër është më se i kalueshëm. Më herët edhe Drita kampione e Vala Superligës mësoi kundërshtarin e saj në paraeliminatoret e Champions Leagues.
Gjilanasit do të përballen me FS Santa Coloman, një tjetër skuadër modeste nga Andorra, duke pasur edhe ata shumë shanse që të kalojnë fazën gjysmëfinale.
