E ardhmja e Usain Bold si futbollist profesionist mund të jetë në Europë, por jo te Milani, sikurse është aluduar orët e fundit. Fjalët e menaxherit të xhamajkanit, për transferimin 32-vjeçarit në një klub që sapo kishte ndryshuar pronësinë dhe që synon Champions League-n, e kishin orientuar opinionin nga kuqezinjtë, por oferta në fakt ka ardhur nga skuadra malteze FC Valletta. Në tryezë është një kontratë dyvjeçare, por drejtuesit e Central Coast Mariners në Australi këmbëngulin se “Bolt vazhdon periudhën e provës”.
Ndërsa administratori i deleguar i klubit maltez, Valletta, Ghasston Slimen, ka zbuluar më shumë nga transferimi i mundshëm i Bolt në Maltë: “Nuk e them për të bërë lajm, por dua që Bolt të vijë në Maltë dhe të firmosë kontratën. Duhet të përgatitet sa më shpejt, sepse kemi ndeshjen e Superkupës. Mund ta imagjinoni momentin kur Bolt të ngrejë lart trofeun, 10 vite pas rekordit të tij në Olimpiadën e Pekinit? Do të ishte një moment historik. Nuk është çështje parash. Gjithçka është e mundur.”
