Debutim perfekt për Ermal Krasniqin në futbollin rumun. Sulmuesi i majtë u transferua disa ditë më parë nga Ballkani te Cluj për 200 mijë euro.
24-vjeçari e nisi si titullar duelin ndaj Farul Constanta. Cluj triumfoi 0-3 duke parakaluar këtë kundërshtar në krye të renditjes së kampionatit rumun.
Krasniqi zhbllokoi takimin në minutën e 49’ . Inkursion i bukur, trekëndësh me ganezin Yeboah dhe finalizim me një goditje të zgjuar.
Lojtari nga Malisheva tregoi klasin e tij edhe në minutën e 77’, moment kur dribloi dy kundërshtarë dhe dhuroi një asist për Petrila, i cili realizoi golin e tretë për kryesuesit.
