Tirana festoi titullin e 12-të kampion në historinë e futsallës. Bardheblutë triumfuan në ndeshjen e fundit të kampionatit ndaj rivalëve të Partizanit me rezultatin 8-4 në pallatin e sportit ‘’Asllan Rusi.’’
Pavarësisht rezultatit, Tirana e kishte siguruar disa java më herët matematikisht titullin dhe ndeshja e fundit ishte një formalitet për skuadrën e drejtuar nga Artur Angoni.
Ndeshja nisi me dy gola të shpejtë nga Tirana që mori menjëherë epërsinë e dyfishtë me finalizimet e Kevin Kosovës dhe Eradi Mertirit. Kundërpërgjigja e Partizanit erdhi vetëm pak çaste më vonë me rrjetën e Armand Gapit. “Bardheblutë” shënuan dhe dy herë të tjera para fundit të pjesës së parë me realizimet e Ervin Cerës dhe Elvis Mucës.
Lexo edhe:
- 500 ndeshje si trajner/ Shpëtim Duro, një karrierë në tri dekada e shtete dhe shumë suksese të arritura
- U dëmtua në Kombëtare, trajneri i Sassuolos sqaron gjendjen e shqiptarit
- Leao, premtim besnikërie Milanit: Qëndroj këtu!
- “Derbi” me Juven në merkato, Interi përgatit planin për 28-vjeçarin spanjoll
- VIDEO/ Festojnë Cesena dhe Shpendi, bardhezinjtë pas 6 vitesh në Serie BV
Megjithatë, sapo nisi pjesa e dytë Partizanit ngushtoi shifrat në 4-2 me golin e Guido Tepshit. Por, kjo nuk e vuri aspak në presion Tiranën që shënoi tre gola të njëpasnjëshëm me kapitenin Endri Kaca, Klajvert Gjokën dhe Klevis Malajn.
Partizani u zgjua vonë dhe dy golat e shënuar në fund me Gjecin dhe Ndreaun nuk ndikuan aspak, ndërsa Klajvert Gjoka vulosi gjithçka me golin për shifrat përfundimtare 8-4.
Tirana ngriti lart titullin kampion të sezonit 2023/24 pas mbarimit të ndeshjes duke finalizuar në mënyrën më të mirë të mundshme një sezon të dominuar nga fillimi dhe deri në fund.
Nga ana tjetër, Partizani mund të krenohet me paraqitjet e këtij edicioni, ku pavarësisht se debutuan për herë të parë në kampionatin e futsallës garuan në mënyrë dinjitoze nën urdhrat e trajnerit Irtan Sejko.
