Ivan Toney do të kthehet në një futbollist të lakmuar nga klubet elitare të Anglisë kur të mbarojë pezullimin në Janar. Toney, i cili u privua nga çdo aktivitet futbollistik për tetë muaj më datë 17 maj, aktualisht nuk është i disponueshëm për të luajtur, pasi u deklarua fajtor për 232 nga 262 akuzat e basteve të ngritura kundër tij nga Federata Angleze e Futbollit në vitin e kaluar.
Sulmuesi anglez, i cili bëri debutimin e tij për Anglinë e Gareth Southgate në fillim të këtij viti, pritet të jetë në gjendje të luajë përsëri për futbollin e klubeve më 16 janar 2024 dhe së fundmi është kthyer në stërvitje të plotë pas një mungese katër mujore.
Lexo edhe:
- “Pa Sylvinhon nuk do isha pjesë e Shqipërisë”, Asani për “Elite Show”: Ndaj Çekisë ndeshja e jetës
- Rrëfimi i Muçit për “Elite Show”/ Nga merkato, te kombëtarja dhe… Tirana
- E BUJSHME! Armand Duka zgjidhet zëvendëspresident i UEFA-s!
- HISTORIKE/ Euro 2025 do të organizohet në Shqipëri
Sipas raportimeve të shumta, Arsenali është klubi që ka shfaqur interesimin më konkret për 27-vjeçarin. Topçinjtë e Londrës do të futen në merkaton e Janarit me synimin për të përforcuar repartin e sulmit, pas problemeve që kanë pasur me shënimin e golave me Gabriel Jesus dhe Eddie Nketiah.
Mikel Arteta kërkon një sulmues të afirmuar në skuadrën e tij dhe Ivan Toney e plotëson këtë kriter, pasi vjet shënoi 20 gola në Premier League.
Brentford kërkon plot 60 milionë euro për shërbimet e sulmuesit dhe tanimë i takon Arsenalit t’i përgjigjet kërkesës së lartë të vendosur nga skuadra e ngjitur në Premier League në 2021.
