E shtuna duhej të ishte një ditë feste për arbitrin e mirënjohur gjerman, Felix Brych, që me sfidën Eintracht Frankfurt-Stuttgart, çonte në 344 numrin e ndeshjeve të gjykuara në Bundesligë, aq sa Wolfgang Stark, që mbante edhe rekordin i vetëm.
Megjithatë festa zgjati vetëm pak për 48-vjeçarin Brych, i cili pësoi një dëmtim të rëndë pas rreth 30 minutash dhe u zëvendësua nga gjyqtari i katërt, në mënyrë që ndeshja të vijonte rregullisht.
Lajmi më i keq ishte ai që erdhi më pas, sepse ekzaminimet konfirmuan se Felix Brych ka këputur ligamentin e kryqëzuar dhe do të duhet t’i nënshtrohet operacionit.
Lexo edhe:
- E bujshme/ Jasir Asani drejt La Liga-s, SuperSport mëson skuadrën që e kërkon me ngulm
- Dybala: Kritikat? Njerëzit flasin shumë dhe pa lidhje, me Lukaku-n kuptohemi shpejt
- Goli më i bukur i eliminatoreve, Shqipëria konkurron me dy realizime spektakolare
- Skuadra e Inter kthehet në shtëpi pa bërë dush, në “Allianz Sadium” mungonte uji i nxehtë
Natyrisht ky është një nga dëmtimet më të rënda dhe mund të thuhet me siguri se sezoni për arbitrin 48-vjeçar gjerman, ka përfunduar tashmë. Dëmtime të tilla, lënë 7-8 muaj larg fushave edhe futbollistët, teksa koha e rikuperimit te Brych mund të shkojë edhe më shumë, duke llogaritur vitet mbi supe.
Media gjermane nuk përjashton edhe mundësinë e tërheqjes përfundimtare të arbitrit, pasi një qëndrim kaq i gjatë larg fushave, mund të jetë i pamundur për t’u rikuperuar.