15 gola prodhuan gjysmëfinalet e para në Europa dhe Conference League. Bayer Leverkusen fitoi 0-2 në “Olimpico” përballë Romës, duke hedhur një hap të sigurt drejt kualifikimit në finalen e Europa League.
Florian Wirtz kaloi në avantazh në pjesën e parë të pathyeshmit e Xabi Alonsos. Ndërkohë që goli i qetësisë erdhi falë një gjuajtjeje fantastike të Robert Andrich 17 minuta përpara fundit.
Pa fitues u mbyll raundi i parë i Marseille-Atalanta (1-1). Gianluca Scamacca zhbllokoi ndeshjen në minutën e 11’, por vendasit reaguan nëntë minuta më vonë. Kur barazuan falë një goditjeje potente të kongolezit Chancel Mbemba.
Surpriza dhe gola në gjysmëfinalet e para të Conference League. Aston Villa u befasua 2-4 në grekët e Olympiacosit në “Villa Park”. Takim ku shkëlqeu marokeni Ayoub El Kaabi me tre gola.
Fitore 3-2 arriti në “Artemio Franchi” Fiorentina ndaj belgëve të Club Brugge. Riccardo Sottil dhe Andrea Belotti kaluan dy herë në avantazh ekipin nga Firence.
Por, miqtë reaguan me anë të Hans Vanaken (p) dhe Igor Thiago. Ky i fundit dërgoi rezultatin 2-2 në minutën e 63’, vetëm dy minuta pas Brugge mbeti me dhjetë lojtarë pas daljes me të kuq të Raphael Onyedikas.
Gjithsesi, vendasit realizuan golin e fitores në minutat shtesë me anë të M’Bala Nzola. Duelet e kthimit do të zhvillohen të enjten e ardhshme, dhe si gjithmonë do të transmetohet në SuperSport/DigitAlb.
EUROPA LEAGUE
ROMA-BAYER LEVERKUSEN 0-2 (Wirtz 28′, Andrich 73′)
Goli i dytë i Leverkusenit
Goli i parë i Leverkusenit
Çfarë mundësie për Jeremie Frimpong
Traversa e Romelu Lukakut
MARSEILLE-ATALANTA 1-1 (Mbemba 20′ / Scamacca 11′)
Goli i Marseille
Goli i Atalantës
CONFERENCE LEAGUE
ASTON VILLA-OLYMPIACOS 2-4 (Diaby 52′, Watkins 45+1′ / El Kaabi 17′, 29′, 56′, Hezze 67′)
Goli i katërt i Olympiacosit
Goli i tretë i Olympiacosit
Goli i dytë i Aston Villas
Goli i parë i Aston Villas
Goli i dytë i Olympiacosit
Goli i parë i Olympiacosit
FIORENTINA-CLUB BRUGGE 3-2 (Sottil 5′, Belotti 37′, Nzola 90+1′ / Vanaken (p) 17′, Thiago 63′)
Goli i tretë i Fiorentinës
Goli i dytë i Club Brugge
Goli i dytë i Fiorentinës
Goli i Club Brugge
Goli i parë i Fiorentinës
FORMACIONET ZYRTARE
Publikohen formacionet e Roma-Bayer Leverkusen dhe Marseille-Atalanta, dy sfidat e para gjysmëfinale të Europa League. Që do të transmetohen në SuperSport 2 dhe SuperSport 3.
Live në SuperSport/DigitAlb edhe dy takimet e para gjysmëfinale të Conference League. Fiorentina pret Club Brugge në “Artemio Franchi” (SS5), ndërkohë që dueli tjetër është Aston Villa-Olympiacos (SS4).
Në “Olimpico” pritet një duel i zjarrtë mes verdhekuqve dhe kampionëve të Gjermanisë. Një gjysmëfinale identike si sezonin e kaluar, kur festoi skuadra e Jose Mourinhos.
Tashmë në stolin e Romën është Daniele De Rossi, i cili shpreson të mbërrijë në finalen e madhe me djemtë e tij. Por, kujdes “Aspirinat” e Xabi Alonsos.
Lexo edhe:
- Nuk është grumbulluar kurrë me Francën, Deschamps ka një emër surprizë për Europianin
- Juventus bën goditjen e parë në merkato, gati edhe rikthimi i Moratës
- “Gjithë jetën te Inter”, mbrojtësi i premton besnikëri zikaltërve
- Postecoglu: Hoqën VAR-in? Super, do të transferohem atje
Ekip më i fortë se vjet, që kërkon “hakmarrjen”. Granit Xhaka, si gjithmonë titullar për skuadrën gjermane.
“Betejë” edhe në “Velodrome”, aty ku Berat Gjimshiti, kapiteni i kombëtares shqiptare, e nis si titullar me zikaltrit italianë të Gian Piero Gasperinit.
ROMA-BAYER LEVERKUSEN
MARSEILLE-ATALANTA
