Më datë tre qershor, Manchester United dhe Manchester City do të “përplasen” në finalen e FA Cup. Pas Kupës së Ligës, “Djajtë e Kuq” kërkojnë trofeun e dytë sezonal ndërsa nga ana tjetër, pas kampionatit, City synon kupën e dytë për të mbetur në garë për “tripletën” e famshme të trofeve duke qenë se janë edhe në finalen e Champions League ndaj Interit.
Secila prej skuadrave është në përgatitjet e fundit, ndërsa mesfushori i United, Fred shprehet se i duhet t’i përmbahet dietës për ta mbyllur sezonin në mënyrën e duhur pasi edhe këto detaje bëjnë diferencën në fushë. Por, braziliani thekson se në rast triumfi ndaj Cityt, atëherë do të jetë i lirë për të konsumuar sërish hamburger të cilët mesa duket janë pika e tij e dobët.
“Jam në një etapë të sezonit ku duhet të tregojë shumë kujdes, përpara është një finale. Duhet të ushqehem dhe të pushoj mirë, në mënyrë që rendimenti në fushë të mos ndryshojë. Edhe pse e pranoj se jam një “fans” i madh i hamburgerëve, bëj çmenduri sa herë mundem, përveç kohës kur jam në sezon.
Lexo edhe:
- Trajneri Sylvinho publikon listën për ndeshjet e qershorit, risi dhe rikthime nga braziliani
- EKSKLUZIVE/ As Bundesliga dhe as Serie A, ja ku do të jetë e ardhmja e Igli Tares
- Kontratë dyvjeçare, Chelsea konfirmon trajnerin e ri
- Partizani feston titullin e 17-të në histori, Vllaznia shkon në Europë. Bie Bylisi, shpresë për Erzenin!
Por, gjatë pushimeve ato janë një nga kënaqësitë më të mëdha për mua. Nëse fitojmë kundër Cityt, menjëherë do të shkoj për të ngrënë hamburger. Falë Zotit do të jem sërish i lirë për t’i shijuar”, u shpreh Fred.
