Victor Osimhen është një nga lojtarët më të kërkuar në këtë merkato. Klubet më të mëdha europiane janë vendosur në radhë për shërbimet e sulmuesit të Napolit. Megjithatë, vetë nigeriani duket se e ka të qartë të ardhmen e tij dhe duket se do të qëndrojë në Itali të paktën edhe për një sezon. Nëpërmjet një pronocimi për mediat e vendit të tij, Osimhen shprehet se nuk ka parë një qytet më të çmendur për futbollin se sa Napoli ndërsa shtoi se është në vendin e duhur.
“Nuk kam parë kurrë një vend më të çmendur për futbollin se sa Napoli. Napoletanët e tregojnë menjëherë dashurinë për futbollistët që përfaqësojnë fanellën e tyre, në qytet më respektojnë kudo që unë shkoj. Fëmijët më duan dhe të rriturit më admirojnë, një pjesë e mirë kopjuan edhe maskën që unë mbaja dhe lëviznin në qytet me të.
Lexo edhe:
- Verstappen “arratiset” drejt titulli të tretë të Formula 1, ja nga cilët u plotësua podiumi i Çmimit të Madh të Austrisë
- I aftë me këmbë, reflekse dhe “mjeshtër” për penalltitë, Milan i vendos çmimin Maignan
- Conference League, dy skuadra dardane në ekranin e SuperSport
- Realizoi 9 gola sezonin e fundit, Augsburg blen Mërgim Berishën nga Fenerbahce
Kjo tregon se ata e vlerësojnë punën që bëjnë lojtarët në fushë dhe për mua nuk ka vend më të mirë se Napoli. Jam shumë i lumtur sepse kam marrë vendimin më të mirë të mundshëm për t’u transferuar këtu. Tani jam i “fiksuar” me trofetë sepse nuk kënaqem vetëm me një titull. Mezi pres që të startoj sezoni i ri”, u shpreh Osimhen që duket se largon kështu zërat e merkatos.
