Connect with us

Hi, what are you looking for?

La Liga

Konsiderohej Luka Modrici i ri: Nuk durova, doja të luaja para Xavit dhe Iniestës!

Alen Halilovic dikur konsiderohej Luka Modrici i ardhshëm. Në vitin 2014, Barcelona i pagoi 2.2 milionë euro Dinamos Zagrebit për shërbimet e rij, por realiteti është se kroati nuk ia doli kurrë të binte në sy te “blaugranat”.

Madje ai zbulon në një intervistë me “The Athletic” se u frustrua shumë dhe, për këtë arsye mendoi se ishte më mirë të largohej nga klubi. Me kalimin e kohës e kuptoi se i mungonte durimi.

“Dy vitet e para ishin perfekte te Barça, por shpresoja të kisha një shans në ekipin e parë në sezonin e tretë. Pastaj kuptova se Luis Enrique nuk më kishte në llogari. Unë duhej të qëndroja edhe një vit sepse po bëja shumë mirë, mire, por Barça vendosi të më huazonte sërish, kështu që isha pak i frustruar me gjithçka. Nuk doja të shkoja përsëri në huazim, kështu që thashë “dreqin, po iki nga këtu”, ka shpjeguar mesfushori.

Lexo edhe:

Me kalimin e kohës, Halilovic e ka kuptuar duhej të priste momentin e tij.

“Kur je i ri, mendon se nuk ke kohë dhe mund të luash përpara Iniestës dhe Xavit. Kur e mendoj tani, më duhej të isha i durueshëm,” pranoi kroati.

Pavarësisht gjithçkaje, Halilovic thotë se mësoi shumë gjatë kohës së tij te Barcelona, dhe se ishte në gjendje të luante përkrah idhullit të tij, Messi. Përveç kësaj, i ka bërë shumë përshtypje cilësia e Busquets.

Halilovic aktualisht luan për Sittaard në Eredivise. Megjithatë, në verë ai mori një ofertë nga Arabia Saudite, të cilën e refuzoi.

“Më ofruan shumë para, por unë thashë “jo”, sepse ende mendoj se mund të arrij diçka të madhe. Prandaj zgjodha të vij këtu…”

Lajme të tjera

La Liga

Xavi rrezikon shkarkimin nga posti i trajnerit të Barcelonës sapo të mbyllet sezoni. Deklarata e fundit ka sjellë shqetësim në klub, teksa është pritur...

Featured

Me një letër të hapur të publikuar në faqen zyrtare të klubit, presidenti i Inter-it, Steven Zhang u shkruan tifozëve, duke pranuar vështirësitë financiare...

Serie A

Milani ndan mendjen për trajnerin e ri. Klubi kuqezi duket i vendosur të mbyllë bashkëpunimin me Stefano Piolin në fund të sezonit dhe duket...

Itali

Orë vendimtare për Interin. Të hënën e 20 majit skadon huaja që fondi “Oaktree” i ka dhënë numrit një të zikaltërve në vitin 2021....