Pas përfundimit të aventurës së Rudi Garcias, është momenti që Napoli të emërojë sa më parë trajnerin e ri. Presidenti De Laurentiis po kërkon një profil që do t’i garantonte të paktën vendin e katërt në përfundim të sezonit, për të menduar më pas për një projekt afatgjatë.
I preferuari i De Laurentiis, për momentin, është Igor Tudor, ish-futbollisti i Juventusit, i mbetur pa punë pak kohë më parë pasi u shkarkua nga Marseja.
Kroatit i është propozuar një kontratë 7-mujore, me opsion rinovimi deri në vitin 2025. Kontaktet e drejtpërdrejta u zhvilluan në zyrat AdL.
Lexo edhe:
- Tragjedi në futbollin shqiptar, Dwamena ndërron jetë në moshën 28-vjeçare
- “Ata janë një skuadër e mërzitshme”, Allegri: Interi? Prisni gjithçka!
- VIDEO/ Berisha i pakalueshëm, Empoli mposht Napolin në “Diego Armando Maradona”
- Dy atake kardiake, me Real Zaragoza dhe Blau Weiss Linz/ Sinjalet që Dwamena duhej ta kishte mbyllur me futbollin
Hapi i parë do të jetë shkarkimi zyrtar i Garcias, i cili ka kontratë dyvjeçare, por edhe një klauzolë në rast shkarkimi. Kështu francezi i ka të garantuara 2.8 milionë euro deri më 30 qershor.
Tudor, që preferon marrëveshje dyvjeçare, është i vetmi kandidat serioz. Walter Mazzarrit dhe Fabio Cannavaro janë të përjashtuar si alternativa.