Dy nga çmimet më të rëndësishme të Mbrëmjes Gala të FSHF ishin edhe “Këpuca e Artë 2023” për vajza dhe djem, trofe që jepen për golashënuesit më të mirë të vitit e që nuk kishin nevojë për votim. Pasi ishin përcaktuar me golat që kanë shënuar në fushën e lojës.
“Këpuca e Artë 2023” për djem iu akordua sulmuesit të Tiranës, Florent Hasani, i cili e mbylli sezonin e kaluar në kuotën e 16 golave, duke siguruar kështu çmimin e golashënuesit me të mirë.
Lexo edhe:
- Shorti i pafat për italianet, “buzëqesh” City, PSG dhe Real Madrid
- Super Zhegrova, vlerësohet me notën më të lartë në Lille-PSG
- Mourinho: I kërkoj ndjesë Renato Sanchezit, nëse largohem, nuk do të jetë faji im
- Shorti/ Milan “peshkon” një skuadër franceze, Laçi sfidon gjigantët turq
Për t’i dorëzuar trofeun sulmuesit nga Vushtrria në skenë u ftua një personazh i veçantë: ish-futbollisti i Kombëtares, Edvin Murati.
“Këpuca e Artë 2023”, Florent Hasani, i cili sezonin do e vijojë në Rumani te Rapidi i Bukureshtit, falënderoi të gjithë të pranishmit për mbështetjen, në veçanti klubin e Tiranës.
“Përshëndetje të gjithëve! Kënaqësi që e mora këtë çmim si golashënuesi më i mirë i kampionatit, duke ndihmuar ekipin tim. Falënderoj klubin e Tiranës, futbollistët, stafin dhe tifozët bardheblu, pa të cilët nuk do të kisha mundur ta merrja këtë çmim”.
