FAB (Bordi Ndërkombëtar i Shoqatës së Futbollit) ka një mision: të sigurojë të gjitha mjetet e nevojshme për të ndihmuar gjyqtarët të marrin vendimet më të mira, duke u përpjekur ta bëjnë lojën e futbollit gjithnjë e më moderne.
Kohët e fundit u fol për “kartonin blu”, i cili duhej të sanksiononte një lojtar për dhjetë minuta në rast të protestave apo ndërhyrjeve për të ndaluar një aksion që mund të përmbyllet me gol. Ideja u braktis menjëherë, ndryshe nga risia që do të shfaqet edhe në Angli nga sezoni i ardhshëm.
Lexo edhe:
- Luis Enrique: Humbën ndaj një kundërshtari të shkëlqyer, por asgjë nuk është mbyllur
- Xavi: Jam krenar për skuadrën time, suksesi erdhi edhe nga “La Masia”
- Një “martesë” për të tretën herë, Juventus i “fiksuar” pas Alvaro Moratës
- PSG-ja gati të paguajë 120 mln euro për Osimhen-in, sulmuesit i ofrohet kontratë 4-vjeçare dhe pagë shumë e lartë
Sky Sports UK zbuloi se klubet e Premier League-s, në fund të takimit të sotëm, njëzëri ranë dakord për të implementuar pozicionin jashtë loje gjysmë-automatik, i cili tashmë ka kohë që përdoret në Champions League dhe Serie A.
Ky është një zbatim teknologjik që shërben për të reduktuar kohën e vendimmarrjes në lidhje me një pozicion të mundshëm jashtë loje: shpejtësi më të madhe, për një vlerësim prej afërsisht 20 sekondash në të cilin përcaktohet nëse është jashtë loje apo jo.
