Sergio Rico po e merr veten. Portieri spanjoll i PSG-së, pësoi një dëmtim të rëndë duke u rrëzuar nga kali dhe duke përfunduar në koma (28 maj).
Për fatin e mirë, 29-vjeçari nga Sevilla, qëndroi vetëm tri javë në koma. Rico është i vetëdijshëm dhe ka filluar të komunikojë me familjarët, të cilët nuk i humbën kurrë shpresat se do të rikthehej në jetë.
Gruaja e “gardianit” andaluzian, Alba Silva ka qetësuar tifozët në prononcimin e fundit, duke konfirmuar përmirësimet në gjendjen shëndetësore të portierit të kampionëve të Francës.
Lexo edhe:
- Një moldav për Vllazninë, luajti titullar edhe ndaj Shqipërisë
- VIDEO/ Gjashtë minuta për golin e fitores, Vrioni rikthehet protagonist në Amerikë
- Sulmuesi i kombëtares bëhet me skuadër të re, prezantohet te kampionët
- I kënaqur nga impenjimi dhe guximi i futbollistëve, Sylvinho: Shoh detajet, kemi lojtarë inteligjentë
“Sergio komunikon. Ai na thërret në emër, e di kush jemi, nuk ka probleme me kujtesën. Shpresojmë të dalë sa më shpejt nga terapia intensive, por mjekët duhet të jenë të sigurt. Dhe nuk e kanë vendosur ende se kur.
Jemi të mbushur me besim pozitiv. Nuk besoj se Sergio e di se çfarë i ka ndodhur, por do të duhet të presim që ai të shprehet.
Ne thjesht po përpiqemi, tani për tani, për ta bërë të ndihet mirë dhe i qetë”, theksoi bashkëshortja e Ricos.
