Sulmuesi i Manchester United Marcus Rashford ka dhënë një intervistë për “The Overlap” të Gary Neville, ku 25-vjeçari i është përgjigjur pyetjeve të ndryshme lidhur me situatën e tij te ‘djajtë e kuq’. I pyetur për kundërshtarin që i ka krijuar më shumë vështirësi në fushën e lojës, Rashford u përgjigj:
“Pa dyshim Kyle Walker, është shumë i fortë dhe shumë i shpejtë, nëse ndonjëherë ja del që ta shohësh jashtë pozicionit ai vrapon dhe e fiton pozicionin me shpejtësi, jemi me fat që në përfaqësuese kemi një lojtar si Kyle”.
Pas rinovimit të kontratës, trajneri Ten Haag ka folur edhe për pozicionin e sulmuesit duke deklaruar se nëse i gjejnë pozicionin e duhur Rashford do të bëhej shumë i rrezikshëm për kundërshtarët.
“Pozicioni im i preferuar në fushë është sulmues i majtë. Më përpara jam aktivizuar edhe në krahun e djathtë, por nuk është se më pëlqen shumë, ndërsa sa i përket idesë së trajnerit për spostimin drejt qendrës, mendoj se është akoma shpejt sepse duhet të kaloj edhe disa sezone si sulmues i majtë”, tha Rashford.
Lexo edhe:
- Futbollistët më të paguar/ Vitet ikin, CR7 nuk bie nga “froni”
- VIDEO/ Dygolësh, asist dhe rekord i veçantë! Messi shkëlqen me Interin
- Blerja më e shtrenjtë në histori, Atalanta bën goditjen e madhe në sulm
- Zyrtare/ Pa skuadër prej 2.5 vitesh, nigeriani firmos me Kukësin
Anglezi gjithashtu u pyet edhe për rivalët më të mëdhenj të Manchester Unitedit dhe nëse duhet të zgjidhte njërin midis City-t dhe Liverpoolit.
“City është rivali ynë i qytetit. Vitet e fundit ata kanë arritur të fitojnë më shumë trofe se ne dhe kjo nuk është diçka e bukur, ndërsa Liverpoolin e kemi rival historik, asnjëra nga të dyja nuk më pëlqen, por më shumë antipati kam për Liverpoolin”, tha sulmuesi.
Rashford sapo ka firmosur një kontratë 5-vjeçare për Manchester United, sezonin e kaluar ai shënoi në total 30 gola dhe këtë sezon do të jetë pika e referimit në sulmin e “Djajve të Kuq”.
