Që kur debutoi në stol si trajner profesionist, Luis Enrique ka pasur gjithmonë si parim që portieri duhet të jetë lojtari i parë nga i cili nis ndërtimi i lojës.
Spanjoll është mbështetur gjithmonë te portierët me këmbë të mira, të cilëve nuk u dridhet qerpiku kur bëhet fjalë për të rrezikuar me pasime.
Te PSG, Donnarumma nuk është i tillë, kështu që asturiani, siç raportohet nga “L’Équipe”, mund të kërkojë një portier për të konkurruar me italianin.
Donnarumma, titullar i padiskutueshëm sezonin e kaluar me Galtier në stol, e detyroi Keylor Navasin të largohej në huazim në Angli. Mirëpo ai tregoi se nuk ka marrëdhënie të mirë me topin kur nuk mund ta marrë në duar.
Lexo edhe:
- VIDEO/ Spektakël i Ballkanit në Fadil Vokrri, skuadra e Dajës dominon Ludogorets
- VIDEO/ Partizani krijon, por gabon shumë. Të kuqtë e mbyllin në barazim ndaj Bates
- VIDEO/ Gol spektakolar, Xhixha “nderon” Qarabag
- E kërkuan me këmbëngulje dhe shpenzuan 1.5 milionë euro, Daku prezantohet në Rusi
Performanca e Donnarummas në Paris deri më tani nuk i ka përmbushur pritshmëritë dhe cilësitë e tij në lojën me këmbë, thelbësore për Luis Enriquen, ngre shumë dyshime.
Asturani, sipas “L’Équipe”, është gati të marrë një portier për të ngritur edhe një herë debatin e titullarit, që ekzistonte dy sezone më parë mes italianit dhe Keylor Navasit.
Ndër profilet që ka monitoruar skuadra pariziene janë Lloris, Kepa dhe De Gea, ndonëse ky i fundit ka pak mundësi t’i bashkohet PSG-së, pavarësisht se është larguar nga Manchester United.