Polonia ngeci në një barazim 1-1 kundër Moldavisë, rezultat që ka tronditur skuadrën e drejtuar nga Michal Probierz dhe tifozët polakë. Pasi kualifikimi në Euro 2024 është shumë i vështirë, dhe Robert Lewandowski me shokë nuk e kanë më në duart e tyre mundësinë e sigurimit të një bilete në Gjermani 2024.
Trajneri 51-vjeçar, i cili mori drejtimin e Polonisë pas shkarkimit të Fernando Santos pas humbjes 2-0 ndaj Shqipërisë në “Air Albania”, nuk e fshehu zhgënjimin e tij në prononcimin pas ndeshjes.
“U befasova që e morëm me frikë Moldavinë, ishim shumë të frikësuar në minutat e para. Ua dorëzuam topin shumë lehtë atyre në 15 minutat e para. Nuk i shfrytëzuam rastet e krijuara, patëm shumë raste të pastra për gol në pjesën e parë.
Ky është shkaku pse nuk fituam. Nuk kam ankesa për angazhimin dhe vendosmërinë e ekipit. Ne luftuam deri në fund për fitore.
Lexo edhe:
- Laçi: Pas kualifikimit në EURO 2024, objektivi i dytë është vendi i parë në grup
- Muçi: Shpresoj edhe unë të shënoj gola të paharrueshëm me Kombëtaren, ju tregoj sekretin e këtij grupi
- Broja lë pas dëmtimin dhe kthehet në stërvitje me Chelsea-n
- Humbja ndaj Shqipërisë i kushton shumë Silhavy-t, ndaj Ishujve Faroe rrezikon shkarkimin
Fatkeqësisht, na mungoi ftohtësia përpara portës, nuk i finalizuam aksionet sulmuese që krijuam. Ishim tepër nervozë në fund. Situata e keqe në tabelë nuk është rezultat i kësaj ndeshjeje.
Besoj se pavarësisht gjithçkaje kemi ndryshuar disa elementë në ekip dhe kemi futur lojtarë të rinj që do t’i japin shumë kombëtares”, deklaroi Probierz.
Polonia ka edhe një ndeshje, ndaj Çekisë në shtëpi. Aty ku fitorja është alternativa e vetme. Që gjithsesi nuk do të mjaftonte për ta mbyllur të dytët pas Shqipërisë.
Pasi Çekia nuk duhet të fitojë përballë Moldavisë, dhe këta të fundit nuk duhet të fitojnë kundër kuqezinjve të Sylvinhos.
