David De Gea dhe Manchester United ende nuk e kanë gjetur gjuhën e përbashkët sa i takon rinovimit të kontratës. Portieri është duke zhvilluar sezonin e fundit nën kontratë me “Djajtë e Kuq” dhe për momentin refuzon të nënshkruajë një të re me zbritje të rrogës.
Nga ana tjetër, United nuk është i bindur nga performancat e spanjollit dhe ngërçi ka pushtuar tratativat. Në këtë mes, i gatshëm është të përfitojë Jose Mourinho. Luzitani i njeh mirë cilësitë e De Geas pasi kanë punuar së bashku në kohën kur Mourinho drejtonte Manchester United. Sipas “Fichajes” gardiani 32-vjeçar po studion mundësitë e merkatos dhe verdhekuqtë janë në horizontin e spanjollit.
Lexo edhe:
- Çmenduri për golashënuesin e Serie A, një njohje e vjetër dhe Mbappe transferojnë Osimhen në Francë
- Dortmundi rikuperon 6 lojtarë para Bayernit, gati t’i prishë debutimin Tuchelit
- Precedenti i para 8 viteve dhe binjakëzimi me tifozët e Napolit, ndalohet transferta për ultrasit holandezë
- Minifutboll/ Shqipëria, një hap larg historisë! Ndaj Spanjës luhet për kualifikimin
Për Romën do të ishte një operacion me shumë leverdi pasi mund të transferojë me kosto zero një prej më të mirëve në rolin e tij, teksa një faktor plus është Mourinho. Edhe pse, për kryeqytetasit sërish nuk do të jetë e lehtë pasi për De Gean ka sondazhe edhe nga PSG apo Juventus.
