Barcelona arriti një fitore emocionuese dhe të rëndësishme kundër Celta Vigos. Skuadra galiciane po kryesonte 0-2 deri dhjetë minuta përpara fundit, por kampionët e Spanjës përmbysën gjithçka.
Lewandowski (2x) dhe Joao Cancelo shënuan tre gola brenda tetë minutave. Dhe Barcelona kryeson përkohësisht La Ligan bashkë me Gironan. Në pritje të derbit Atletico Madrid-Real Madrid (SuperSport 2, 21:00).
Lexo edhe:
- Partizani-Tirana në “Air Albania”, derbi shtyhet me 23 ditë
- “E duam kapiten”, Lecce ëndërron, Ramadani “mbreti” i mesfushës
- “Dritë në fund të tunelit”, Pochettino jep lajmin e madh për Brojën
- “Gjest i madh, Onana tregoi personalitet”, Ten Hag e merr në mbrojtje
Xavi u shpreh i pakënaqur me lojën, por shumë i lumtur me karakterin e djemve të tij, të cilët realizuan një përmbysje të çmendur atëherë kur nuk besonte më askush.
Por ka edhe një lajm të keq, që shqetëson jo pak teknikun e skuadrës katalanase. Frenkie De Jong u dëmtua dhe doli nga fusha në pjesën e parë. Duke u zëvendësuar me Gavin.
Shtypi iberik shkruan se mesfushori holandez ka lënduar kyçin e këmbë. Dhe pritet të qëndrojë jashtë fushave për rreth një muaj.
De Jong rrezikon në këtë mënyrë El Clasicon me Realin e Madridit, që do të zhvillohet në datën 28 tetor, në “Estadio OlImpico”.
VIDEO/ Celta pëson 3 gola për 8 minuta, “remontada” e pabesueshme e Barcelonës