Lajm i ditës nga futbolli italian është pa dyshim transferimi i Romelu Lukakut te Roma. Verdhekuqtë po bëjnë goditjen e madhe të merkatos, pasi sulmuesi belg, tashmë i konfirmuar prej disa sezonesh në elitë e futbollit italian, ishte më pranë Juves apo qëndrimit tek Interi.
Walter Sabattini, ish-drejtor sportiv tek skuadra kryeqytetase, në një prononcim për “Gazzetta dello Sport” e pranon se firma me Lukakun është një goditje e madhe për Romën.
“Goditje e madhe, nuk ka dyshim. Lukaku është një lojtar që kur është mirë, mund të bëjë i vetëm sulmin. Në letër, me Dybalan mund të formojë një dyshe të jashtëzakonshme, sepse integrohen mirë për sa i përket cilësisë”.
Lexoni edhe:
- Gega përmbyll me sukses Botërorin e Atletikës, në finale regjistroi kohën më të mirë të sezonit
- “Fitorja më e bukur e karrierës”, Klopp: Përmbysja ndaj Newcastle më e mirë se ajo ndaj Barcelonës
- Balliu sfidon Atleticon: Kam duel direkt me Carrasco, me kombëtaren synoj Europianin
- Alarm në Madrid, dëmtimi i Vinicius më i rëndë nga sa parashikohej
Para se të siguronte shërbimet e belgut, Mourinho e gjykoi Romën si ekip mes vendit të pestë dhe të tetë. Sabatini, pas blerjes së ish-it të Interit, mendon kështu: “Nuk do të flisja kurrë për lojtarët e mi në këtë mënyrë, por ai është i tillë, ne e njohim. Megjithatë, me ardhjen e Lukakut, ai nuk do të mund të fshihet më: Roma duhet të të jetë në gjendje të luftojë për vendet e para”.