Julian Shehu ishte në një intervistë në emisionin ‘Gol pas Goli”, ku foli për fitoren e parë të laçit dhe deklaroi se skuadra nuk arriti të përshtatet si duhet me trajnerin malazez Vukiçeviç.
“Vinim nga një moment shumë i vështirë dhe donim të reagonim e të kthenim situatën në favorin tonë. E dinim që Kastrioti ka armën më të fortë agresivitetin dhe u munduam t’i përgjigjemi në të njëjtën mënyrë. Për fat të mirë ia dolëm të marrim tre pikët, falë forcës dhe karakterit që treguam.
Nuk di të them se çfarë ndodhi pas paraqitjes në Europë, por edhe fatin nuk e patëm me vete. Ne jemi profesionistë dhe japim maksimumin me çdo trajner që kemi në krye, por përshtatja nuk është gjithmonë e njëjtë. Thjesht ka qenë çështje përshtatjeje me trajnerin që kaluam. Te laçi nuk ka vend asnjëherë për eufori”, tha ndër të tjera Julian Shehu.
