Skandali i basteve ka prekur edhe Kombëtaren italiane, teksa dy futbollistët Sandro Tonali dhe Nicolo Zaniolo janë larguar nga grumbullimi, pikërisht për t’u marrë në pyetje nga hetuesit.
Dy futbollistëve u është gjetur emri në telefonin e mesfushorit të Juventusit Faggioli, i cili gjithashtu po hetohet për përfshirje në skandalin e basteve, pasi ka luajtur vetë në platforma ilegale.
Mediat italiane raportojnë se Zaniolo e Tonali janë larguar mes lotësh nga grumbullimi dhe u kanë treguar familjarëve se kanë luajtur vetëm poker dhe blackjack në platformat ilegale të basteve, duke mos u përfshirë asnjëherë në parashikimine ndeshjeve.
Lexo edhe:
- VIDEO/ Me plis për në Berlin, “Shqiponjat” nisin fluturimin
- VIDEO/ Kosova i bashkohet festës “kuqezi”, “dardanët” triumfojnë me tre gola
- Asani dhuron spektakël edhe me deklarata, premton surpriza në të ardhmen
- Sylvinho e thotë shqip: Ne jemi një! Grupi, forca e Shqipërisë
Çështja është nën hetim, megjithatë media italiane raporton se edhe futbollistë të tjerëë të Serisë A janë të përfshirë në këtë skandal, teksa bëhet fjalë për një tjetër lojtar të Juves, emri i të cilit nuk bëhet i ditur, por edhe një lojtar të Romës.
Në ditët e ardhshme pritet të ketë të tjera befasi, që mund të tronditin jo pak futbollin në Itali, teksa futbollistët e përfshirë në luajtjen e basteve sportive rrezikojnë pezullime të rënda, që nisin nga disa muaj, në disa vite.
