Milan po kalon një periudhë krize teksa kuqezinjtë mes Serisë A dhe Champions League nuk fitojnë prej katër ndeshjesh. E ardhmja e trajnerit Stefano Pioli është vendosur në diskutim, megjithatë për legjendën kuqezi, Arrigo Sacchi, shkarkimi i 58-vjeçarit nuk është zgjidhja e problemit.
Sacchi theksoi se te Milan kanë gabuar duke transferuar shumë lojtarë të huaj në merkato, pasi atyre iu duhet shumë kohë për t’u përshtatur me futbollin italian.
Lexo edhe:
- VIDEO/ Cikalleshi e bën dramë në limite, shpëton Konyaspor nga humbja
- Nuk ka fitues në “Kukës Arena”, Dinamo dhe Kukësi pa “shënjestër”
- “Kështu nuk vazhdohet”, trajneri legjendar largohet papritur nga futbolli: Ishte ndeshja e fundit!
- VIDEO/ Juventus merr tri pikët ndaj Fiorentinës dhe ruan trendin pozitiv
“Për mendimin tim, Pioli duhet konfirmuar. Gabimi i Milan është transferimi i shumë lojtarëve të huaj në merkato. Atyre iu duhet shumë kohë për të kuptuar kampionatin, lojën dhe metodologjinë e kampionatit italian. Skuadra në fushë është shumë konfuze.
Pyetja a ishte e nevojshme që të ndryshohej kaq shumë skuadra? Mendoj se kontestimet e tifozëve janë të drejta. Tani e rëndësishme është që drejtuesit e Milan të mbështesin trajnerin Pioli”, u shpreh Sacchi.
