Në pritje të zyrtarizimit të shkarkimit të portugezit Fernando Santos, mediat polake kanë filluar të aludojnë edhe me emrat që mund të marrin drejtimin e Polonisë për ndeshjet e mbetura të eliminatoreve.
Kështu emri më i bujshëm është padyshim ai i Vladimir Petkovic. Tekniku 60-vjeçar boshnjak është i papunë që prej verës së 2022-shit, kur u largua nga francezët e Bordeaux dhe është gati të rikthehet.
Petkovic ka drejtuar përfaqësuesen zvicerane në periudhën 2014-2021 dhe ka bërë mjaft mirë, ndaj në Poloni shihet si njeriu u duhur për të rikthyer skuadrën te suksesi.
Lexo edhe:
- Lewandowski: Shtatori shumë keq për Poloninë, ky rezultat është një turp!
- Duka: Zemra mal nga Kombëtarja dhe tifozët, është momenti të festojmë!
- Polonia kundër Santos pas humbjes ndaj Shqipërisë, trajneri: Kam fituar Europianin dhe nuk do të largohem
- VIDEO/ Shqipëria shtron rrugën për në Europian, mposht Poloninë dhe kryeson Grupin E
Ndërkohë, emra të tjerë janë polakët Maciej Skorza dhe Marek Papszoun, të cilët shihen si zgjidhje të përkohshme për të përfunduar edicionin aktual.
Duhet theksuar se Polonia ka edhe tre ndeshje për të luajtur deri të fund të eliminatoreve, teksa shanset e kualifikimit ekzistojnë ende, por tashmë asgjë nuk është në dorën e tyre.
