Union Berlin e nis me këmbë të mbarë sezonin e ri të Bundesliga, ndërsa fitoi me “poker” në javë e parë në sfidën ndaj Mainz.
Vendasit zhbllokuan sfidën me Behrens, që gjeti rrugën drejt rrjetës që në minutën e parë.
Lexo edhe:
- Malinovskyi: Italia është shtëpia ime e dytë, faleminderit Genoa për besimin!
- Pioli: Klubi i dëgjoi këshillat e mia dhe kjo më lumturon, pres shumë nga lojtarët e rinj
- Dy barazime në dy ndeshje, Luis Enrique: Ishim pa fat, Mbappe është fantastik!
- Pochettino: Lukaku ishte jashtë planeve përpara se të vija unë, palët të zgjidhin problemin
Ndërsa në minutën e 9’ i asistuar nga Laidouni, Behrens dyfishoi avantazhin e Union Berlin.
Në fraksionin e dytë miqtë u shfaqën më kërkues dhe fituan një penallti, por Ajorque e humbi goditjen nga pika e bardhë e penalltisë në minutën e 63’.
Megjithatë një minutë më pas Caci realizoi për Mainz dhe ngushtoi rezultatin, duke rihapur sfidën.
Nga ana e Union Berlin vazhduan me sulmet dhe në minutën e 70’ Behren bëri “hat-trick”, duke i dhuruar siguri ekipit të tij.
Fati nuk ishte në anën Mainz dhe Ajorque në këtë ndeshje, me lojtarin që në minutën e 88’ humbi sërish një penallti.
Në fund gjithçka u vulos nga Pantovic, i cili në minutën e 90+6’ e çoi rezultatin në 4-1.
Kështu Union Berlin e nis sezonin e ri me fitore dhe merr 3 pikë, teksa Mainz nga ana tjetër del pa pikë nga java e parë e Bundesliga.
E nis me fitore edhe Eintrachti i Frankfurtit, që iu imponua 1-0 Darmstadtit falë golit të shënuar nga Kolo Mouani.
