Al Hilal bind ndaj Al Shabab dhe ngjitet në krye të renditjes së Saudi Pro League.
Vendasit kishin mundësinë që të zhbllokonin sfidën që në minutën e 37’, por Neymar nuk ia doli të shënonte nga pika e bardhë e penalltisë, pasi goditja e brazilianit u prit nga portieri Kim.
Lexo edhe:
- Ekskluzive/ E vërteta e dëmtimit të Uzunit, çlirohet Sylvinho!
- Lajm lehtësues nga Franca, lojtari i Nice shpëtohet nga zjarrfikësit
- “Berardi si Robben”, trajneri i Sassuolos “ngre në qiell” yllin e skuadrës
- Statistika e veçantë/ Burnely në krye, lë pas Arsenalin e Tottenhamin
Pavarësisht tentativave nga të dyja skuadrat, pjesa e parë e kësaj përballjeje u mbyll me porta të paprekura.
Megjithatë në minutën e 68’ Al Hilal mori avantazhin, me Koulibaly që realizoi golin e parë në Arabinë Saudite, ndërsa Neymar u bë protagonist me asist.
Në minutën e 76’ rrugën drejt rrjetës e gjeti Mitrovic, duke shënuar kështu golin e dytë për Al Hilal në këtë takim.
Pavarësisht tentativave të një pas njëshme, fati nuk ishte në anën e Neymar në këtë takim, me brazilianin që ende nuk ka shënuar golin e tij të parë me skuadrën e re.
Në fund gjithçka u mbyll me rezultatin 2-0, me Al Hilal që ngjitet në krye me 20 pikë, teksa Al Shabab renditet në vend të 11-të me tetë pikë, në tetë javë kampionat.
