Borussia Dortmund rikthehet të fitojë një ndeshje kampionati në “Allianz Arena” pas 10 vitesh. Ishte prilli i vitit 2014 kur thyhej 0-3 Bayerni (Mkhitaryan, Reus, Hofmann).
Verdhezinjtë mposhtën 0-2 Bayernin falë golave të sulmuesit Karim Adeyemit (10’) dhe norvegjezit Julian Ryerson (83’). VAR-i anuloi golin e Harry Kane në minutën e 89′.
Tri pikë tepër të rëndësishme për skuadrën e Edin Terzic që renditet në vendin e katërt, duke qenë brenda objektivit Champions.
Bayerni i ka thënë praktikisht lamtumirë titullit pas kësaj humbjeje, pasi Bayer Leverkusen është 13 pikë larg.
Bundesliga
BAYERN-DORTMUND 0-2 (Adeyemi 10′, Ryerson 83′)
83′ Diagonale e saktë e Julian Ryerson, 0-2 për Dortmundin.
52′ Aksion i bukur i Dortmundit nga krahu i djathtë. Felix Nmecha del i lirë në zonë, super pritje e Sven Ulreich.
35′ Eric Dier nuk arrin ta dërgojë topin në rrjetë, shumë afër portës së Dortmundit. I jashtëzakonshëm Mats Hummels me ndërhyrjen e tij.
23′ Mundësi e shkëlqyer për Harry Kane. Krosim nga Joshua Kimmich, por bomberi anglez, si rrallëherë nuk tregohet i saktë me kokë.
10′ Kundërsulm i shpejtë i verdhezinjve, Karim Adeyemi finalizon saktë. duke kaluar Dortmundin në avantazh.
FORMACIONET ZYRTARE
Der Klassiker premton spektakël këtë të shtunë (18:30) në “Digitalb”. Bayern Munich-Borussia Dortmund, takim i vlefshëm për javën e 27-të të Bundesliga, do të transmetohet live dhe ekskluzivisht në “SuperSport 2”.
Lexo edhe:
- VIDEO/ Zhegrova protagonist absolut, Lille fiton ndaj Lens në “Stade Pierre-Mauroy”
- VIDEO/ Anis Mehmeti ndëshkon “dhelprat”, gol spektakolar i sulmuesit shqiptar
- VIDEO/ Qarabag matematikisht kampion, Xhixha feston me gol titullin në Azerbaxhan
- Në Europian me 26 futbollistë? Ja kur pritet të merret vendimi i UEFA-
Trajnerët Tuchel dhe Terzic kanë vendosur si do zbresin në fushën e blertë ekipet e tyre.
Në këtë përballje titullar i portës për bavarezët do të jetë Ulreich, pasi Neuer është i dëmtuar dhe nuk mund të luajë.
