Empoli rikthehet te triumfi dhe atë e bën ndaj Napoli-t në javën e 33-të të Serie A, ndërsa napolitanët nga ana e dytë numërojnë ndeshjen e dytë radhazi pa fitore.
Takimi i luajtur në “Stadio Carlo Castellani” u mbyll me rezultatin 1-0, me golin e vetëm të këtij takimi që u realizua në minutën e 4’ nga Cerri.
Lexo edhe:
- VIDEO/ Shtrin në tokë mbrojtësin dhe kalon portierin, Daku spektakël në Rusi
- Muçi: Tifozët fantastikë, përpiqem të jem i denjë për dashurinë e tyre
- 60 mln € investim, Barcelona gati të rikthejë djalin e shtëpisë pas 10 vitesh
- “Fatkeqësi e pajustifikuar”, Roma “shpërthen” kundër Ligës
Në pjesën e mbetur të ndeshjes u provua nga të dyja skuadrat të gjendej rruga drejt rrjetës, por në fund gjithçka u mbyll me vetëm një gol.
Sa u përket lojtarëve shqiptarë të Empoli-t, Stiven Shpendi e ndoqi takimin nga stoli, teksa Ismajli dhe Berisha mungojnë pasi janë të dëmtuar.
Ndërsa nga ana tjetër, Rrahmani mungoi në këtë ndeshje të Napoli-t, pasi mbrojtësi i përfaqësueses së Kosovës ishte i penalizuar për shkak të numrit të kartonëve.
Pas javës së 33-të të Serie A, Empoli renditet në vend të 15-ë me 31 pikë, teksa Napoli në vend të tetë me 49 pikë.
