Reali i Madridi triumfoi 2-1 ndaj Real Sociedad, duke rimarrë vendin e parë në La Liga. Pesë ndeshje dhe 15 pikë të plota për skuadrën e Carlo Ancelottit, që regjistroi një tjetër sukses me përmbysje në kryeqytet.
Pjesa e parë u mbyll me avantazhin e ekipit bask, që gjeti shpejt golin me anë të Ander Barrenetxea. Gjithsesi, Reali reagoi në të dytën.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Dhe siguroi tri pikë fantastike falë golave të Federico Valverdes dhe Joselut. Lojtari më i mirë i ndeshjes ishte Fran Garcia, autori i dy asisteve.
La Liga
REAL MADRID-REAL SOCIEDAD 2-1 (Valverde 46′, Joselu 61′ / Barrenetxea 4′)
4′ Real Sociedad në avantazh. Ander Barrenetxea u ndal dy herë nga Kepa Arrizabalaga, i cili nuk ia doli të evitonte golin e 21-vjeçarit.
11′ Skuadra mike shënoi sërish në minutën me anë të japonezit Kubo, por goli u anulua për pozicion të parregullt.
16′ Shans i artë për të barazuar për Realin, por Joselu bëri më të vështirën. Duke goditur traversën në portën bosh pas topit të marrë nga Carvajal.
18′ Provon sërish Joselu. Në gatishmëri portieri Alex Remiro.
31′ Miqtë pranë golit të dytë. Kubo gjen bukur në zonë Mikel Merinon, i cili gjuan me kokë. Grushtim fantastik i Kepa Arrizabalaga.
46′ 40 sekonda nga pjesa e dytë, dhe barazim 1-1. Federico Valverde dërgon topin në rrjetë më një gjuajtje të fortë.
61′ Reali përmbys rezultatin. Krosim i bukur i Fran Garcias, finalizim fantastik me kokë i Joselut. Festë në stadium.
90′ Reali pranë golit të tretë. Brahim Diaz kroson nga e djathta, “zhytet” me kokë Jude Bellingham, pritje shumë e bukur e portierit të Sociedadit.
