Lautaro Martinez shënoi një gol spektakolar, të 12-in sezonal në 11 ndeshje kampionat, i cili rezultoi vendimtar për triumfin e Interit në transfertën e vështirë ndaj Atalantës.
Pas ndeshjes kapiteni zikaltër u shfaq mjaft i lumtur, teksa theksoi se nuk sheh nga renditja e golashënuesve, por vetëm të ndihmojë Interin.
“Ishte një transfertë e vështirë, ku asnjë skuadër nuk kishte arritur të shënojë deri sot. Bëmë mirë, vuajtëm, por fituam dhe morëm tre pikë mjaft të rëndësishme. Nuk shoh renditjen e golashënuesve, pasi objektivi im është të ndihmoj Interin. Nëse nuk shënoj, dua të ndihmoj me pasime goli apo duke vrapuar”, tha Lautaro.
Lexo edhe:
- VIDEO/ Gola dhe asiste: Rroca, Çekiçi dhe Bardhi protagonistë në Turqi
- Europiani i Xhudos/ Akil Gjakova “zjarr”, fiton ndaj kundërshtarit serb
- Zbulohet diferenca e pikëve për “Topin e Artë”, ja si votoi Shqipëria!
- Vjen nga stoli dhe shënon golin e fitores, Bozhanaj nderon Modenan në “limite”
Kapiteni zikaltër nuk ngurroi të ndajë suksesin me mbrojtësin francez, Pavard, i cili u dëmtua në gju dhe la fushën e lojës pas 24 minutash.
“Dua t’i dedikoj fitoren Pavardit, që u dëmtua sot. Ka ardhur këtë verë, por po na jep një ndihmë shumë të madhe në fushë. Shpresoj që të jetë dëmtim i lehtë dhe të rikthehet sa më shpejt në fushë”, tha kapiteni zikaltër.