Gola dhe asiste të lojtarëve shqiptarë në Turqi. Istanbulspori humbi 2-4 në shtëpi përballë Pendiksporit, sfidë ku vendasve nuk u mjaftoi goli dhe asisti i kapitenit Eduard Rroca.
Skuadra ku luajnë edhe Florian Loshaj, i cili gjithashtu luajti titullar, edhe Valon Ethemi (i dëmtuar), mbetet në vendin e parafundit në Superligën turke me 5 pikë.
Rroca dhuroi asistin e golit që barazoi takimin në 1-1 pesë minuta përpara fundit, por në shtesat e së parës u shfaq protagonist Endri Çekiçi në krahun tjetër.
Duke dhuruar asistin e golit që kaloi Pendiksporin në avantazh 1-2. Skuadra udhëtuese realizoi edhe dy gola të tjerë në fraksionin e dytë të takimit.
Lexo edhe:
- Air Albania në kapacitet maksimal, biletat mbarojnë për pak orë
- Stuhia Ciara godet Shqipërinë, FSHF shtyn disa ndeshje të fundjavës
- Ish-lojtari i Barcelonës habit me deklaratën: Messi nuk është një shembull i mirë
- Ndryshon organizimi i “Topit të Artë”, ndërhyn edhe UEFA! Shtohen dy çmime të reja
Ndërkohë që një minutë përpara fundit Rroca tundi rrjetën kundërshtare, duke shënuar golin e dytë për Istanbulsporin. Dhe të parin për të në këtë sezon në kampionat.
Feston edhe Jurgen Bardhi në divizionin e dytë të futbollit turk. “Ish”-i i Partizanit realizoi me penallti golin e fitores për Keciorengucu, që triumfoi 2-3 me përmbysje përballë Corum.
Bardhi goditi saktë një penallti nëntë minuta nga fundi, duke i dhuruar skuadrës së tij suksesin e dytë radhazi në transfertë. Ky ishte goli i parë sezonal për 25-vjeçarin nga Fushë Kruja.
