Rrotë më rrotë drejt titullit kampion. Kështu mund të përshkruhet rivaliteti mes Lewis Hamilton dhe Max Verstappen, që këtë sezon po duelojnë ashpër për titullin në Formula 1 dhe rivaliteti sa vjen e ndizet, kur kanë mbetur edhe 6 gara deri në fund.
Në provat e lira të Çmimit të madh të Austinit në Shtetet e Bashkuara të Amerikës, ka pasur sërish shkëndija mes dy pilotëve, teksa Verstappen nuk i kurseu të sharat për rivalin e tij gjatë komunikimit në radio.
“Idiot, budalla”, tha holandezi në radio, ndërsa menjëherë pas përfundimit të provave shtoi se – Nuk e di çfarë kishte ndërmend, pasi më shoqëroi përgjatë gjithë vijës dhe më pas më shtyu të dal jashtë në momentin që po frenoja”.