Futbolli është loja e befasive të mëdha, i momenteve të pabesueshme që shpeshherë të bëjnë të vësh duart në kokë. Në takimin mes Rennes dhe Lyonit, në minutën e 17-të, vendësit humbën një rast flagrant, me portën pa portier.
Fillimisht ishte Martin Terrier që, pasi mori një top në zonë, me portierin jashtë loje, u ndal nga mbrojtësi Dubois, por topi shkoi te Gaetan Laborde, që sërish me portierin larg pozicionit të tij, goditi drejt e në këmbët e Guimaraes. Si mund të humbet një rast i tillë!
Gjithsesi, ky rast flagrant i humbur nuk pati ndikim në rezultatin përfundimtar, pasi Rennes e shkatërroi 4-1 Lyonin. Laborde shënoi në fundin e pjesës së parë për vendësit, ndërsa në fraksionin e dytë e tundën rrjetën Traore dhe dy herë Truffert. Në kohën shtesë Paqueta realizoi me 11-metërsh golin e nderit.