Pas dy barazimeve radhazi, Vora rikthehet te fitorja dhe këtë e bën ndaj një rivali direkt si Flamurtari duke i mposhtur vlonjatët me rezultatin 3-1. Në fakt, sfida nuk nisi mirë për vendasit duke qenë se ishin kuqezinjtë të cilët kaluan të parët në avantazh me anë të Souza de Oliveria në minutën e 12.
Megjithatë, Vora e kaloi shpejt momentin e vështirë dhe pas tetë minutash barazoi me anë të Jurgen Vrapit. Në minutën e 40, vendasit përmbysën ndeshjen falë golit të Fatmir Prengajt. Në fraksionin e dytë, Vora gjeti edhe golin e tretë me anë të Eridon Qardakut në minutën e 59 duke vulosur trepikëshin. Pas kësaj fitorje, Vora ngjitet në vendin e tretë me 27 pikë ndësa Flamurtari renditet në vendin e katërt po me 27 pikë.
Lexoni edhe:
- Në 3-vjetorin e ndarjes nga jeta, hapet ekspozitë në Tiranë për Paolo Rossi-n
- Italia në sulm frontal kundër piraterisë televizive, në Shqipëri autoritetet flenë!
- Versioni më i mirë i Calhanoglu/ Inter e shijon, por mund ta humbasë shpejt turkun
- Legjenda holandeze nuk ka dyshime: Ancelotti më lart se Ferguson dhe Guardiola
Në ndeshjen tjetër, Elbasani fitoi në transfertë me shifrat 0-1 duke iu falur një goli autogoli të Maksutit në minutën e 59. Falë këtij trepikëshi, verdheblutë ngjiten në kuotën e 32 pikëve në vend të dytë, ndërsa nga ana tjetër, Apolonia mbetet në vend të pestë me 26 pikë.
