Manchester United zyrtarizoi transferimin e Mason Mount nga Chelsea, me mesfushorin anglez që firmosi një marrëveshje 5-vjeçare në “Old Trafford”.
Mount kishte spikatur si prioriteti i Erik ten Hagut në merkaton e kësaj vere, me “Djajtë e Kuq” që panë disa oferta t’u refuzoheshin nga Chelsea në javët e fundit.
Pas shumë negociatash të dështuara United dhe Chelsea më në fund ranë dakord për një shumë prej 55 milionë paundësh, plus 5 të tjera në formë bonusesh për transferimin e Mount.
24-vjeçari do të fitojë 250 mijë paund në javë tek United një rritje e ndjeshme në krahasim me pagën prej 75 mijë paundësh në javë që kishte te Chelsea.
Mbërritja e tij vjen në kohën perfekte për Ten Hag dhe United që do të fillojnë përgatitjet para sezonale me një miqësore përballë Leeds javën e ardhshme.
Lexo edhe:
- “Heronjtë” grekë të triumfit të Euro 2004 mblidhen 19 vite pas: E pamundura nuk ekziston!
- Nuk ka më dyshime, Firmino zyrtarisht futbollist i Al Ahlit
- Reali fiton “El Clasicon” e merkatos për talentin turk
- Zyrtare/ Ja kur e nis Ancelotti punën si trajner i Brazilit
Mount mund të bëjë debutimin e tij në atë ndeshje, mesfushori anglez shkon te United pas një sezoni jo me aq shkëlqim te Chelsea. Ai bëri 35 paraqitje në të gjitha kompeticionet me blutë, duke shënuar 3 gola dhe dha dhe 6 asiste, duke rezultuar nën pritshmëritë e Chelsea.
Pavarësisht një sezoni jo në lartësinë e duhur te United e dëshironin me ngulm, dhe ai duket se do të zëvendësojë Christian Eriksen me aftësinë për të luajë në mesfushë. Ky transferim i jep fund një eksperience prej 18 vitesh të Mount te Chelsea, e cila ka filluar që ku ai u bashkua me akademinë e klubit në moshën 6-vjeçare.